كــلــمــات خطتها يد انسان ابتلاه الله بأعاقه برجليه

الـــــــــــطـــــــــفــــــولـــــــــ ـ ـ ـ ـ ـة

أحلى مافي هالحياة

مرحله من غير هم

كنـّا دايم نبتسم

كنـّا حتى لو بكينا ... وجارت الدنيا علينا

بعد لحظـات وثواني

بسمه فينا ترتســم

..

كنـّا نركض

خلف كوره ... ( لا لا أنا ماكنت معهم !! )

وحدي بس بعيد عنهم ... كنت أنا أضحك عليهم

جالس لحالي اهذي ... ليه انا وحدي ؟!
...

وقبل ما يحل الظلام

للبيوت نروح نجري ... ( لا لا أنا ماكنت معهم ! )

أمشي وحدي بعيد عنهم ... أمشي وأعدد أثرهم !

وهم عني يبعدون

يبعدون ... يبعدون

إلا ( ماجد ) !!

كان مثلي حيل ضايق ...

بس حزنـي كــان حارق

كان يسألني ببراءه : ...

ليش تعرج ؟ ... قلت مادري ! ... باستياء

ليش تبكي ؟ قلت مابكي ... بكبرياء

ضاق مني ...

ثم سألني في غباء ...

قال ( وثرايك تـثــابق )؟؟

وراح عنــّــي ... !!

....

كنت أسأل دوم نفسي ...

ليش ما أركض معاهم ؟!!

ليش دوم أمشي وراهم ؟!!

انا شفيني؟!! ... ولا هم شفيهم؟!!

ليه أنا غير الأنام ؟!!

زاحمتني الأسئله...

كل شيٍ أجهله ؟

وإن تعبت من الإجـــابه...

أحظن الحيـــره وأنام .

.....

مرّت سنين وكبرت ...

صار همّي اليوم أكبر

حتى دمعي صار أكثر

للأسف توي قدرت ...

أفهم إني شخص ( عاجز ) !!

يعني بيني وبينكم

مليون حاجـــز !!!

صدقوني ذي حقيقه ...

لا طلعت السوق ... كل ما أمشي دقيقه

القى كل شوي أبله !!

يمشي ويناظر صديقه ...

ويغمز له

يقول : طااالع ...!!

وشنو ياترى يطالع ؟!!

وتتفجّــر في خفوقي

ألف ضيقه

ووحده في وسط الزحام ....

طالعتني باهتمام ...

بنت في عمر الزهور ... أي رشاقه ... وأي أناقه ...

وأي عطـــور !!

قلت في نفسي ياهووووه

هي تناظرني بغرام ؟!! ... أو هي نظره والسلام ؟!!

بس أكيد إنها تعرفني ... شايفتني ؟

شايفتني في جريده ؟

واعجبتها لي قصيده ؟

إيييييه أنا توني تذكرت


....


لي قصيده ...

كنت ناشر معها صوره

بس صوره ... ياسلااااا م

وفاجأتني ...

لمـّا صارت لي قريبه ... كانت تـمـتم بطيبه

{ يـكـسـر الخاطــر حـــرااااام ) ؟!

وتركت دمعه غريبة ...

وضاعت بوسط الزحــام

دمعه كانت تحكي وضعي ... زلزلتني

ارتطم قلبي بضلعي ... دمرتني

صدقوني ...

أصعب اللحظــات وأقسى

لاغدا الرجـّــــال يــرى... خاطر انثى ينكسر لأجله ؟!

كيف ينسى ؟؟؟

جاوبوني !!

...

وزاد همّــي ...

يوم فكــّـرت بوظيفه ... ثم زواج

أي وظيفه ... وأي زواج ؟؟

اللــي مثـلي ...

مهما طالب ... لويلف ولو يدور

زين لو حطـــّــوه كــاتب

لا ... وعلى بنــد الأجـــــــور ....

موووبعد رسمي !!!

....

صدقوني لو تدرّج ... وصار راتبه ايتصاعد

وابتــدا وضعه يتحسن

ما أظنه بيتزوّج ... حتى لو بعد التقاعد !!

وفي النهــايه ...

يابلــدنا... مهما كانت ( تسميتـنا )

عاجزين ... ( معوّقين )

لك عهدنا ... وذا قسمنا :

أقسم بالله العظيم ... منزل الذكر الحكيم

أن أصونــك يابلادي ... من شرور العابثين

من مطامع كل حاسد ... من نوايا كل فاســد

وإني لك حصنٍ حصين

إنتي ناديني وشوفي ... لا نويتي بالجهــاد

والله أقهر لك ظروفي ... دامك إنتي لي بــــلاد

وباسم كل العاجزين ...

دام فينا أصبع يطول الزنـــاد

لا يهمــّـك يابلادي ...

وازهليهــا

&

... كــلــمــات خطتها يد انسان غالي ابتلاه الله بأعاقه برجليه ...

واحببت توصيلها لكم ...

وان لا تحتبس بين طيات اوراقه ..

وبين حبيبات غبار ادراجه ...